Wafanyakazi wa Sekta ya Sukari nchini Kenya wametaka kuwepo kwa uwazi pamoja na mashauriano mapana kuhusiana na uagizaji sukari kutoka nje.Kauli hiyo inakuja wakati huu ambapo Wizara ya Kilimo Kenya ikiendelea kutoa vibali vya uagizaji sukari nje, ili kukabiliana na upungufu. Nchi ya Kenya kwa sasa inakabiliwa na uhaba wa kila mwaka wa upatikanaji wa sukari, ambao unakadiriwa kufikia sukari tani laki mbili hadi laki mbili na nusu kwa mwaka. Mamlaka inayohusika na uratibu wa sukari nchini Kenya imetoa vibali vya uagizaji sukari tani elfu 9 kwa mwezi Agosti na tani elfu 15 za sukari katika mwezi Septemba. Katibu wa Chama cha Wakulima wa Miwa Kenya na wafanyakazi wa sekta hiyo Bw. Francis Wangara amemsihi mratibu wa sekta hiyo kufuata taratibu zinazostahili katika uagizaji wa sukari kutoka nje, kwa kuhakikisha uwazi na ushirikishwaji wa wadau wenye viwanda