Kocha Jose Mourinho wa Man United, kwa mara nyingine tena atalazimika kukutana uso kwa uso na mbabe wake Pep Guadiola wa Man City, katika mchezo wa raundi ya 4 ya michuano ya Kombe la ligi nchini England, lijulikanalo kama EFL Cup kwa msimu huu.Jose Mourinho akimpongeza Pep Guadiola Kwa mujibu wa droo iliyotolewa usiku wa kuamkia leo mara baada ya kumalizika kwa michezo ya raundi tatu, Mancheste United imepangwa kukutana na Manchester City katika dimba la Old Trafford, wiki inayoaanzia Oktoba 24 mwaka huu. Man United imefikia hatua hiyo baada ya kuichapa Northampton mabao 3-1, huku Manchester City ikipata ushindi wa 2-1 dhidi ya Swansea City. Mechi hiyo itakuwa ni ya kulipiza kisasi au kuendeleza ubabe, baada ya wawili hao kukutana kwa mara ya kwanza katika ligi ya England, Septemba 10, mwaka huu na City kupata ushindi wa 2-1. Droo hiyo pia imewagonganisha wakali wengine wa soka la England, ambao ni Liverpool itakayokabana koo na Tottenham katika dimba la Anfield, huku West Ham wakipangwa kuchujana na Chelsea. Kwa upande wao Arsenal, huenda wakawa na kazi rahisi mbele ya Reading. Matokeo kamili ya droo hiyo yapo kama ifuatavyo. West Ham v Chelsea Manchester United v Manchester City Arsenal v Reading Liverpool v Tottenham Bristol City v Hull Leeds v Norwich Newcastle v Preston Southampton v Sunderlan